ചെരിപ്പു കുത്തി....

നട്ടുച്ചയിലും 
കണ്ണും നട്ടിരിക്കുന്നത് 
അറബിയുടെ 
ചെരിപ്പു വള്ളിയിലേക്ക്..!
ചെറിയൊരു "വള്ളി പൊട്ട്"
പ്രതീക്ഷകളുടെ ഏച്ചു കെട്ടാണ്..
മരുപ്പച്ചയുടെ 
നേര്‍ കാഴ്ചയുമാണ്..

നിറ സ്വപനങ്ങളെ 
തുന്നികെട്ടുന്നതും,
പുതു സ്വപ്നങ്ങള്‍ക്ക്
നാമ്പ് കിളിര്ക്കുന്നതും
ഈ വള്ളിയില്‍ നിന്നാണ്..


ഏച്ചു കെട്ടുന്ന വള്ളികള്‍ 
ദൃഢപ്പെടുംമ്പോള്‍
അറബിയുടെ മുഖം 
പ്രസരിക്കുന്നു...
രണ്ടു ദുട്ടുകളില്‍ 
കുടുംബത്തിന്റെ കൂട്ടച്ചിരി 
ഉള്ളില്‍ 
ആളനക്കമുണ്ടാക്കുന്നു..

എന്നിട്ടും,
അറിയാതെയുരുകി-
വാര്ന്നിറങ്ങുന്ന-
വിയര്പ്പു തുള്ളികളിലലിഞ്ഞ-
ആയുസ്സിന്റെ കരിഞ്ഞ മണം "മാത്രം "
തിരിച്ചറിയാതെ പോകുന്നവന്‍
ഈ.....................??!!