അതിരുകള്‍...

അതിരു വരഞ്ഞ സ്നേഹത്തിനപ്പുറം
അക്ഷമനായൊരാള്‍ കാത്തിരിക്കുന്നുണ്ടാവും..
തകര്‍ച്ചയുടെ നെരിപ്പോടില്‍
ആഹ്ലാദത്തിന്‍റെയലകള്‍ തീര്‍ക്കുന്നുണ്ടാവും..
അന്യന്‍റെതിനുള്ള ഗുണവും മണവും
അയാളെ വികാരഭരിതനാക്കുന്നുണ്ടാവും..
അതിനാല്‍,
നിറഞ്ഞു തുളുമ്പുന്ന സ്നേഹം
അതിരുകള്‍ ഭേദിക്കാതിരിക്കാന്‍
ചുറ്റു മതിലുകളും,വേലികളും
അനിവാര്യമായിരിക്കുന്നു...
നോക്ക്,വാക്ക്,ഭാവം ഇവ-
അവിശ്വസനീയമായി മാറിയിരിക്കുന്നു...
മാറ്റങ്ങളില്‍ മരവിച്ചു പോയ സ്നേഹം
മറ്റൊരു ലോകം തേടുന്നുണ്ടാവും...