കാത്തിരിപ്പ്..

സായാഹ്നത്തിലെ അലാറമടിച്ചപ്പോഴാണ്
ഞാന്‍ ഞെട്ടിയുണര്‍ന്നത്
താമസിയാതെ,
ഇന്നലത്തെ ബാക്കിയും,
ഇന്നത്തെതും,
നാളത്തെതടക്കമുള്ളതെല്ലാം
ക്രമപ്പെടുത്തികൊണ്ടിരുന്നു..
അന്തിയാവോളം..
നാളെയും തുടരാനുള്ളതാണ്...!
യവന സായാഹ്നത്തിലെ അലാറമടിച്ചപ്പോഴും-
ഞാന്‍ ഞെട്ടിയുണര്‍ന്നിരുന്നു,
പക്ഷേ, സമയം വൈകിയിരുന്നു..!
വസന്തത്തിലെ പൂക്കള്‍
വാടിയും കൊഴിഞ്ഞും തീരുമെന്ന്-
ഞാനറിഞ്ഞിരുന്നു,
പക്ഷേ..ഇത്ര വേഗമാകുമെന്ന്...?!
ഇനി ബാക്കിയുള്ള അല്പ സമയം-
ഏതെന്കിലും
ആതുരാലയത്തിലഭയം തേടണം,
എന്നെയും തേടി
"അവന്‍" വരുന്നത് വരെ..!
ആര്‍ക്കും ബുദ്ധിമുട്ടാവാതെ..!
                  visit my blog:- http://www.vazhivilaku.blogspot.com/